Æsku­verk með Baibu og Harriet – Sinfón­íu­hljóm­sveit Íslands

Hljóðfæraleikarar úr Sinfóníuhljómsveit Íslands

Einleikarar
Baiba Skride
Harriet Krijgh

Efnisskrá
Dmítríj Shostakovitsj//Tvö verk fyrir strengjaoktett op. 11
Felix Mendelssohn//Strengjaoktett op. 20

Á þessum tónleikum í Föstudagsröð Sinfóníuhljómsveitar Íslands í Norðurljósum hljóma tvö innblásin æskuverk fyrir strengjaoktett eftir ólík tónskáld sem þó áttu það sameiginlegt að vera undrabörn á sviði tónsmíða: Mendelssohn og Shostakovitsj. Um leið gefst áheyrendum tækifæri til að kynnast fiðluleikaranum Baibu Skride og sellóleikaranum Harriet Krijgh í samhengi kammertónlistar sem þær stunda af miklu listfengi, en báðar koma fram kvöldið áður í þríleikskonsert Sofiu Gubaidulinu undir stjórn Olari Elts. Mendelssohn samdi sinn strengjaoktett á sautjánda ári sem afmælisgjöf handa fiðlukennara sínum, en verkið býr yfir fádæma hugmyndaauðgi, krafti og fágu. Shostakovitsh var sömuleiðis á tvítugsaldri þegar hann samdi Tvö verk fyrir strengjaoktett ópus 11 og bera þau sömuleiðis skapara sínum fagur vitni – líkt og í mörgum síðari verka hans má heyra hér ögrandi ómstríður og rytmíska spennu í bland við svífandi ljóðrænu.