Bílahús

Bílahús Hörpu er opið allan sólarhringinn og er vel upplýst með aðgengi beint inn í húsið. Bílastæði fyrir hreyfihamlaða eru næst öllum helstu inngöngum.

Nýjung í bílahúsi Hörpu - Myndavél les bílnúmer

Svokallað CameraPark er nýjung í bílahúsi Hörpu og virkar þannig að myndavél les bílnúmerið við innkeyrslu og skráir bifreiðina í stæði og við útkeyrslu les myndavélin bílnúmerið aftur og skráir úr stæðinu. Það eina sem þarf að gera er að vera með EasyPark appið og virkja í fyrsta skiptið CameraPark í appinu til að tengja við kreditkort. Þetta þarf einungis að gera einu sinni og eftir það er ferlið orðið sjálfvirkt að öllu leyti. Það þarf ekki að opna appið þegar lagt er í næsta skipti og hægt keyra áhyggjulaust inn og út úr bílahúsinu og CameraPark sér um rest.

Hér má sjá stutt kynningarmyndband frá EasyPark um hvernig á að virkja appið og tengja kort.

Athugið að einnig er hægt að greiða með Parka og SíminnPay eða greiða í gjaldmælum sem eru á hvorri hæð bílahússins. Vaktmaður er staðsettur í vaktherbergi 115, sem sér um rekstur bílahússins, í efri kjallara (K1). Hér má sjá nánari upplýsingar um 115.

Athugið að bílar með P miða, metan- og rafbílar eru ekki undanþegnir gjaldskyldu.

Bent er á að bannað er að leggja bifreiðum á torginu fyrir framan eða til hliðar við Hörpu. Bílar eru sektaðir þar. Ef lagt er við vörumóttöku eða við aðkomu neyðarbíla eru bílar dregnir í burtu.

Vangreiðslugjald er lagt á bifreið í gjaldskyldu bílastæði þegar sýnt þykir að ekki hafi verið greitt fyrir stöðu bifreiðar í stæðinu eða greitt hefur verið fyrir of stuttan tíma.

Hér er hægt að nálgast upplýsingar um önnur bílastæðahús í nágrenni Hörpu.