Tónlist, Klassík

Carmina burana

Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða

Verð

2.700 - 7.700 kr

Næsti viðburður

fimmtudagur 1. júní - 20:00

Salur

Eldborg.

Hljómfélagið og Selkórinn ásamt Skólakór Kársness og einsöngvurum flytja eitt ástsælasta kórverk síðari ára, Carmina Burana eftir Carl Orff, í Norðurljósasal Hörpu þann 8. maí kl 16. Verkið verður flutt í útsetningu fyrir tvö píanó, fimm slagverksleikara og einn pákuleikara.

Carmina Burana er kantata samin á árunum 1935 og 1936 og er byggð á 24 ljóðum úr samnefndu miðaldasafni. Ljóðin fjalla um hverfulleika gæfu og auðæfa, lífið, vorið, girnd, áfengisnotkun og hvers konar fíkn. Saman fer frumstæður en leikrænn texti og einföld tóntjáning. Verkið fékk strax í upphafi afar góðar viðtökur og hefur allt fram á þennan dag verið mjög vinsælt meðal almennings jafnt sem unnenda klassískrar tónlistar. Það hefur verið flutt víðsvegar um heim af kórum og hljómsveitum en einnig verið útsett fyrir kvikmyndir, tölvuleiki og sjónvarpsþáttaraðir. Carmina Burana er upphaflega skrifuð fyrir stóra hljómsveit, tvo blandaða kóra, drengjakór og einsöngvara en fjölmargar útsetningar, meðal annars af Carl Orff sjálfum, hafa verið gerðar fyrir margs konar hópa. Kórarnir tveir ætla að flytja verkið með blönduðum barnakór ásamt einsöngvurum og hljóðfæraleikurum. Samtals má áætla að um 130 manns komi að flutningi verksins.

Flytjendur:

Stjórnandi
Fjóla Kristín Nikulásdóttir

Einsöngvarar
Bryndís Guðjónsdóttir, sópran
Guðmundur Karl Eiríksson, barítón
Þorsteinn Freyr Sigurðsson, tenór

Kórar
Hljómfélagið
Selkórinn
Skólakór Kársness (stjórnandi: Álfheiður Björgvinsdóttir)

Hljómsveit
Eva Þyri Hilmarsdóttir, píanó
Gurrý Sigurðardóttir, píanó
Frank Aarnik, slagverk
Steef Van Oosterhout, slagverk
Eggert Pálsson, slagverk
Pétur Grétarsson, slagverk
Soraya Nayyar, pákur

Um kórana
Hljómfélagið er blandaður 50 manna kór sem syngur undir stjórn Fjólu Kristínar Nikulásdóttur. Hljómfélagið var stofnað á vormánuðum 2015, en hugmyndin kviknaði hjá nokkrum fyrrum skólafélögum sem sungu lengi saman í Skólakór Kársness. Hljómfélagið hefur vaxið hratt og skipar nú tæplega fimmtíu manns á aldrinum 25 til 45 ára sem koma víða að. Kórinn hefur haldið vel sótta jólatónleika frá stofnun auk vortónleika og flutt m.a. Misa Criolla eftir Ramirez með hljómsveit og einsöngvara. Hljómfélagið kom einnig fram á jólatónleikum Jethro Tull í Hallgrímskirkju og sem gestakór á stórtónleikum Karlakórsins Heimis í Eldborgarsal Hörpu. Hljómfélagið er metnaðargjarn kór og hefur gaman af því að flytja ný íslensk verk en hrífst einnig af öllu litrófi kórtónlistarinnar.

Selkórinn var stofnaður árið 1968 og var upphaflega kvennakór, en hefur starfað óslitið sem blandaður kór eftir að karlar gengu til liðs við hann árið 1976. Selkórinn hefur á ferli sínum sungið víða erlendis sem hérlendis og bæði séð um og tekið þátt í margbreytilegum tónlistarviðburðum, klassískum sem veraldlegum. Innanlands hefur kórinn sungið með Bubba í Borgarleikhúsinu og Ragga Bjarna í Háskólabíó, með Sinfóníuhljómsveit Íslands og Sinfóníuhljómsveit áhugamanna, í Hörpu, Norðurljósum og hinum ýmsu kirkjum þótt Seltjarnarneskirkja sé ávallt helsta tónleikahúsið.

Skólakór Kársness var stofnaður á haustdögum 1975 og þá voru um 80 börn í kórnum. Kórinn hefur verið atkvæðamikill í íslensku tónlistarlífi. Hann hefur líka tekið þátt í mörgum kórahátíðum í Evrópu og verið fulltrúi landsins á erlendum menningarhátíðum m.a. í Kanada og Japan. Skólakór Kársness hefur gefið út margar hljómplötur og margar þeirra má finna á heimilum Kársnesbúa. Fyrsta platan kom út 1983 og ber nafnið Fögnuður en á henni syngur kórinn íslensk lög og erlend kórverk.

Viðburðahaldari

Sinfóníuhljómsveit Íslands

Miðaverð er sem hér segir:

A

6.300 kr.

B

4.900 kr.

C

3.600 kr.

D

2.700 kr.

X

7.700 kr.