Daniil Trifonov – einleiks­tón­leikar

Einleikari
Daniil Trifonov

Efnisskrá
Pjotr Tsjajkovskíj//Myndabók æskunnar
Robert Schuman//Fantasía op. 17
Wolfgang Amadeus Mozart//Fantasía í c-moll, K. 475
Maurice Ravel//Gaspard de la nuit
Alexander Skrjabín//Píanósónata nr. 5, op. 53

Hinn heimsþekkti píanóleikari Daniil Trifonov leikur spennandi efnisskrá á þesusm einleikstónleikum: Verk eftir Tsjajkovskíj, tvær fantasíur eftir Schumann og Mozart ásamt Gaspard de la nuit eftir Ravel og píanósónötu nr. 5 eftir Skrjabín.

Þetta eru fyrstu einleikstónleikar Trifonovs á Íslandi og eru þeir haldnir í framhaldi af tónleikum hans með Sinfóníuhljómsveit Íslands.

Schumann skrifaði fantasíu sína (op. 17) árið 1836 en hún var ekki gefin út fyrr en þremur árum síðar, þá örlítið breytt, og var tileinkuð Franz Liszt. Verkið er í hópi þeirra dáðustu sem Schumann skrifaði fyrir einleikspíanó og er meðal meginverka rómantíska tímabilsins fyrir hljóðfærið.

Mozart samdi c-moll fantasíu sína (K. 475) í maí árið 1785, þá 26 ára gamall. Hér má merkja áhrif frá feðgunum J.S. Bach og C.P.E. Bach, en verkið skiptist í fimm hluta sem sveiflast frá drunga yfir í bjartara tónmál.

Gaspard de la nuit eftir Ravel var frumflutt í janúar árið 1909 en það skiptist í þrjá hluta sem byggðir eru á fantasíu eftir Aloysius Bertrand, Gaspard de la Nuit – Fantaisies a` la manie`re de Rembrandt et de Callot. Verkið þykir eitt hið tæknilega erfiðasta í píanóbókmenntunum.

Og talandi um tæknilega erfið verk, þá skipar 5. píanósónata Skrjabíns sér rækilega í þann hóp. Verkið var samið 1907 og er í einum þætti. Það er almennt álitið í hópi erfiðustu verka Skrjabíns í flutningi, bæði tæknilega og tónlitarlega.