Hjartanlega velkomin í Hörpu

Harpa leggur áherslu á að útfærslur á viðburðahaldi eru ávallt unnar í nánu samstarfi við almannavarnir og núgildandi reglur um samkomutakmarkanir, með fagmennsku og áreiðanleika að leiðarljósi.  

Við hvetjum gesti til að sýna ábyrgð og tillitsemi í samræmi við tilmæli almannavarna. Huga vel að einstaklingsbundnum smitvörnum og halda sig heima ef kvefeinkenni eða slappleiki gera vart við sig. Grímuskylda er á alla viðburði í Hörpu og eru gestir hvattir til að koma með eigin grímu. Jafnframt er ráðlegt er að hlaða niður smitrakningarappi almannavarna áður en komið er í hús .

Harpa tryggir ábyrgt viðburðahald og fylgir í einu og öllu núgildandi reglum og viðmiðum um samkomutakmarkanir. Grundvöllur ábyrgs viðburðahalds byggir á eftirfarandi:

• Framhús og almenningsrými í Hörpu eru stór og rúmgóð. Þau eru opin og aðgengileg viðburðagestum sem er bent á að virða nálægðartakmarkanir.
• Sótthreinsun svæða í almenningsrýmum og sölum er meiri en alla jafna þar sem aukin áhersla er lögð á snertifleti eins og lyftur, hurðarhúna, og handrið.
• Spritt er aðgengilegt í miðasölu og í almannarými þar sem streymi gesta er hvað mest.
• Sölum er skipt upp í sóttvarnarsvæði þar sem hámarskfjölda samkomutakmarkanna er fylgt.
• Inngangar í sóttvarnarsvæði sala eru aðskildir.
• Salerni eru skilgreind og aðskilin fyrir hvert sóttvarnarsvæði.
• Öll sæti eru númeruð.
• Sótthreinsun á helstu snertiflötum í sölum er framkvæmd milli viðburða.
• Upplýsingagjöf til gesta er vönduð og tímanleg m.a. í tengslum við miðakaup.
• Gestir eru markvisst hvattir til að sýna ábyrgð og sinna einstaklingsbundnum smitvörnum.