x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Hjartanlega velkomin í Hörpu

Upplýsingar vegna Covid-19 og viðburða

Harpa leggur áherslu á að útfærslur á viðburðahaldi eru ávallt unnar í nánu samstarfi við almannavarnir og núgildandi reglur um samkomutakmarkanir, með fagmennsku og áreiðanleika að leiðarljósi.  

Gestir eru hvattir til að sýna ábyrgð og tillitsemi í einu og öllu, í samræmi við tilmæli almannavarna. Huga vel að einstaklingsbundnum smitvörnum og halda sig heima ef kvefeinkenni eða slappleiki gera vart við sig.

Skilyrðislaus grímuskylda er á alla viðburði í Hörpu, á það við um alla gesti sem sækja viðburði, jafnt í framhúsi og inni í sal.

Framhús og almenningsrými í Hörpu eru stór og rúmgóð. Þau eru opin og aðgengileg viðburðagestum því er mikilvægt að sýna tillitsemi og virða ávallt bæði grímuskyldu og nálægðartakmarkanir. Þá eru gestir eru hvattir til að hlaða niður smitrakningarappi almannavarna áður en komið er í hús.

Harpa tryggir ábyrgt viðburðahald og fylgir í einu og öllu núgildandi reglum og viðmiðum um samkomutakmarkanir. Grundvöllur ábyrgs viðburðahalds byggir á eftirfarandi:

  • Allir gestir eru skráðir á kennitölu og símanúmer í númeruð sæti.
  • Sölum er skipt upp í sóttvarnarsvæði þar sem hámarskfjölda samkomutakmarkanna er fylgt.
  • Inngangar í sóttvarnarsvæði sala eru aðskildir.
  • Salerni eru skilgreind og aðskilin fyrir hvert sóttvarnarsvæði.
  • Sótthreinsun á helstu snertiflötum í sölum er framkvæmd milli viðburða.
  • Aukin sótthreinsun svæða þar sem áhersla er lögð á lyftur, hurðarhúna, handrið o.þ.h.
  • Spritt er aðgengilegt í miðasölu og í almannarými þar sem streymi gesta er hvað mest.
  • Upplýsingagjöf til gesta er vönduð og tímanleg m.a. í tengslum við miðakaup.
  • Gestir eru markvisst hvattir til að sýna ábyrgð og sinna einstaklingsbundnum smitvörnum.

 

Í Hörpu er mikið lagt upp úr góðu og hreinu lofti og loftskipti framkvæmd að jafnaði á klukkustunda fresti. Í sumum sölum enn örar og má nefna að í Eldborg eru loftskipti á hálftíma fresti.

Í húsinu eru 19 loftræsistæður sem til samans dæla inn um 214.000 rúmmetrum á klst. Allar þessar stæður eru með síum sem hreinsa út óhreinindi samkvæmt ISO staðli 16890, ePM25 70%. Fyrir utan 9 útsogsstæður sem draga út loft frá eldshúsum og baðherbergjum.

Rakastig í Hörpu er almennt lágt og er m.a. haldið í 36% hlutfallslegum loftraka í Eldborg. Lágt rakastig, ör loftskipti og góð síun nánast útilokar dropasmit um lengri veg.