Tónlist, Klassík

Hough leikur Beet­hoven – Sinfón­íu­hljóm­sveit Íslands

Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða

Verð

2.900 - 8.700 kr

Næsti viðburður

fimmtudagur 12. janúar - 19:30

Salur

Eldborg.

Sinfóníuhljómsveit Íslands

Hljómsveitarstjóri
Eva Ollikainen

Einleikari
Stephen Hough

Efnisskrá
Christoph Willibald Gluck//Alceste, forleikur
Ludwig van Beethoven//Píanókonsert nr. 3
Raminta Šerkšnyte//Eldar
Claude Debussy//La mer

Breski píanóleikarinn Stephen Hough er í hópi virtustu og fjölhæfustu píanóleikara samtímans. Hann hefur hljóðritað yfir 60 geisladiska og hlotið fjölda viðurkenninga, meðal annars átta Grammy-verðlaun. Hough er „Listamaður í samstarfi“ hjá Sinfóníuhljómsveit Íslands á starfsárinu 2022-23 og kemur tvisvar fram með sveitinni á tónleikum í Eldborg áður en hann fylgir henni í tónleikaferð um Bretland.

Á þessum fyrri tónleikum Houghs og Sinfóníuhljómsveitar Íslands leikur hann hinn kraftmikla og dramatíska þriðja píanókonsert Beethovens, en breska stórblaðið The Times hefur lýst túlkun Houghs á verkinu sem „stórkostlegri“. Tónleikarnir hefjast hins vegar á hrífandi en lítt þekktum forleik eftir Christoph Willibald Gluck. Gluck var einn af brautryðjendum klassíska tímabilsins í tónlistarsögunni, ekki síst á sviði óperutónlistar. Ópera hans, Alceste, var frumflutt í Vínarborg árið 1767. Verkið þótti framandi á sínum tíma og hafði meðal annars áhrif á jafn ólík tónskáld og Mozart og Berlioz.

Í seinni hluta tónleikanna mætast eldur og úthaf, en verk litháíska tónskáldsins Ramintu Šerkšnyte , Eldar, hefur hlotið mikið lof og verið flutt víða. Það er í tveimur hlutum og lýsir ólíkri ásýnd elds og þeim kröftum sem leysast úr læðingi í miklu eldhafi og sprengingum. Verkið samdi Šerkšnyte sem nokkrus konar forspil að fimmtu sinfóníu Beethovens en það var frumflutt af Útvarsphljómsveitinni í Bæjarlandi undir stjórn Mariss Jansons. La mer er hið mikilfenglegasta af hljómsveitarverkum Debussys, eins konar sinfónía um hafið, vindinn og öldurnar. Í þessu verki fær hljómsveitin að sýna allar sínar bestu hliðar.


Miðaverð er sem hér segir:

A

7.300 kr.

B

5.900 kr.

C

4.500 kr.

D

2.900 kr.

X

8.700 kr.