Klass­íkin okkar – Sinfón­íu­hljóm­sveit Íslands

Sinfóníuhljómsveit Íslands

Hljómsveitarstjóri
Daníel Bjarnason

Einleikarar
Ari Þór Vilhjálmsson
Dísella Lárusdóttir
Erna Vala Arnardóttir
Julia Hantschel
Mikolaj Frach
Sigurður Flosason
Rannveig Marta Sarc
Steiney Sigurðardóttir
Edda Erlendsdóttir
Stefán Jón Bernharðsson
og fleiri einleikarar kynntir síðar

Kynnar
Halla Oddný Magnúsdóttir
Guðni Tómasson

Undanfarin sex ár hafa Sinfóníuhljómsveit Íslands og RÚV efnt til glæsilegra tónleika í beinni sjónvarpsútsendingu undir yfirskriftinni „Klassíkin okkar“, en þeir hafa notið mikilla vinsælda og eru löngu orðnir fastur punktur í tónleikaárinu. Nú verður athyglinni beint að einleikskonsertinum og spannar litrík efnisskráin fjölda vinsælla og hrífandi konsertkafla frá ýmsum tímum og bera því að þessu sinni yfirskriftina Einleikaraveisla.

Meðal gimsteina konsertbókmenntanna sem hljóma á tónleikunum má nefna kafla úr hornkonserti Mozarts, sellókonserti nr. 1 eftir Shostakovitsj og píanókonserti nr. 1 eftir Chopin, að ógleymdum lokakafla úr fiðlukonserti Tsjajkovskíjs.

Framúrskarandi einleikarar á ýmis hljóðfæri koma fram í þessari einstöku dagskrá þar sem töfrar einleikskonsertsins verða í algleymingi. Hljómsveitastjóri er Daníel Bjarnason sem hefur stjórnað Klassíkinni okkar frá upphafi.