x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Lifandi Lausnir

Nýir tímar í viðburðahaldi

Fjöldatakmarkanir hafa nú áhrif á það að við komum saman á hefðbundinn hátt. Þær þurfa þó ekki að koma í veg fyrir að við höldum áfram að tala saman, deila þekkingu, og ræða þau brýnu málefni sem blasa við fyrirtækjum og fólki í dag.

Harpa tónlistar- og ráðstefnuhús hefur hlotið ótal viðurkenningar og verðlaun fyrir framúrskarandi aðstöðu.

Tæknifólk Hörpu býr yfir einstakri fagþekkingu og býður upp á persónulega þjónustu sem tryggir vel heppnaðan viðburð.  Í Hörpu er aðstaða, tækjabúnaður og starfsfólk á heimsmælikvarða.

Velkomin í Hörpu!

Lifandi lausnir sem henta þínu fyrirtæki.

Sendu okkur fyrirspurn á radstefnur@harpa.is


Viðburði streymt úr Hörpu

(e. live stream)

Harpa hefur streymt fjöldanum öllum af fundum og viðburðum fyrir fyrirtæki, félagasamtök og opinbera aðila. Gæði streymisins skipta höfuðmáli og að efnið skili sér hnökralaust til gesta hvar sem þeir eru staddir.

Á streymisfundum eru fyrirlesarar jafnan í Hörpu en gestir staðsettir heima eða á sínum vinnustað.

„Ráðstefnulausnir Hörpu og öll þjónustan í kringum viðburði er algjörlega til fyrirmyndar. Verkefnastjórar sem og tæknifólk leystu allar okkar tækniþarfir á faglegan hátt og greinilegt er að í Hörpu er metnaður til að gera hlutina vel. Við erum gífurlega þakklát fyrir frábæra þjónustu. Takk fyrir okkur!“

Elínborg Valdís Kvaran, forstöðumaður markaðsmála og samskipta Landsbankans

Senda fyrirspurn um streymisfund í Hörpu 


Viðburður á vefnum

(e. virtual)

Það er engin ástæða til að slá af gæðum og upplifun gesta þó aðstæður krefjist þess að þinn viðburður fari fram á vefnum. Með því að hafa viðburðinn einungis á vefnum þá eru allir gestir heima eða á sínum vinnustað og flestir fyrirlesarar sömuleiðis. Fundarstjórar og einstaka fyrirlesarar geta þó verið staðsettir í Hörpu.

Taktu upp eða sendu út erindi í glæsilegri umgjörð Hörpu þar sem fundarstjóri og tækniteymi sjá til þess að allt sé eins og best verður á kosið.

„Yfir 900 kvenleiðtogar tóku þátt í þriggja daga Heimsþingi kvenleiðtoga, Reykjavik Global Forum, sem haldið var með rafrænum hætti í ár vegna heimsfaraldursins. Heimsþinginu var stýrt frá Hörpu með fjarfundarbúnaði og gekk hnökralaust fyrir sig þökk sé frábæru samstarfi við stjórnendur og starfsmenn Hörpu. Það skiptir gríðarlega miklu máli að við náðum að halda heimsþingið á þessum fordæmalausu tímum þar sem umræða um stöðu jafnréttismála hefur sjaldan verið jafn mikilvæg.“

Hanna Birna Kristjánsdóttir, formaður framkvæmdastjórnar Women Political Leaders, WPL

Senda fyrirspurn um viðburð á vefnum


Blönduð leið

(e. hybrid)

Sífellt fleiri kjósa að fara blandaða leið sem hefur mælst vel fyrir og eykur enn frekar við upplifun gesta.

Gestir eru staðsettir bæði í sal og heimavið, eða á sínum vinnustað. Sama á við um fyrirlesara, þeir geta verið á staðnum eða fjarverandi, bæði hérlendis eða tengst erlendis frá.

Hér er mikilvægt að tryggja að allir gestir fái sömu upplifun, hvort sem er í sal eða heima, og að samskipti á milli fyrirlesara, sýnenda og gesta gangi vel fyrir sig. Tæknifólk Hörpu vinnur með öllum aðilum til að tryggja vel heppnaðan viðburð.

„Nýr veruleiki kallar á nýjar lausnir. Undanfarin ár hafa Samtök iðnaðarins haldið fjölmennt Iðnþing í Hörpu. Í stað þess að leggja árar í bát og fresta Iðnþingi 2020 vegna faraldursins var ákveðið að bjóða öllum landsmönnum á þingið að þessu sinni með beinni útsendingu frá Hörpu. Starfsfólk Hörpu reyndist okkur vel og voru allir reiðubúnir að finna lausnir þar sem öllum kröfum um sóttvarnir var hægt að fylgja eftir í hvívetna.“

Margrét Kristín Sigurðardóttir, almannatengsla- og samskiptastjóri Samtaka iðnaðarins

Senda fyrirspurn um blandaðan viðburð í Hörpu 


Öryggi gesta

Harpa leggur áherslu á ábyrgt viðburðarhald og fylgir í einu og öllu núgildandi reglum og viðmiðum um samkomutakmarkanir. Útfærslur á viðburðahaldi eru ávallt unnar í nánu samstarfi við almannavarnir með fagmennsku og áreiðanleika að leiðarljósi.

  • Ábyrgt viðburðahald

    Grundvöllur ábyrgs viðburðahalds í Hörpu byggir á eftirfarandi:

    • Framhús og almenningsrými í Hörpu eru stór og rúmgóð. Þau eru opin og aðgengileg viðburðagestum án takmarkana en gestum er bent á að virða nálægðartakmarkanir.
    • Sótthreinsun svæða í almenningsrýmum og sölum er meiri en alla jafna þar sem aukin áhersla er lögð á snertifleti eins og lyftur, hurðarhúna, og handrið.
    • Spritt er aðgengilegt í miðasölu og í almannarými þar sem streymi gesta er hvað mest.
    • Sölum er skipt upp í sóttvarnarsvæði þar sem hámarskfjölda samkomutakmarkanna er fylgt.
    • Inngangar í sóttvarnarsvæði sala eru aðskildir.
    • Salerni eru skilgreind og aðskilin fyrir hvert sóttvarnarsvæði.
    • Sótthreinsun á helstu snertiflötum í sölum er framkvæmd milli viðburða.
    • Gestir eru markvisst hvattir til að sýna ábyrgð og sinna einstaklingsbundnum smitvörnum.

     

  • Loftgæði í Hörpu

    Í Hörpu er mikið lagt upp úr góðu og hreinu lofti og loftskipti framkvæmd að jafnaði á klukkustunda fresti. Í sumum sölum enn örar og má nefna að í Eldborg eru loftskipti á hálftíma fresti.

    Í húsinu eru 19 loftræsistæður sem til samans dæla inn um 214.000 rúmmetrum á klst. Allar þessar stæður eru með síum sem hreinsa út óhreinindi samkvæmt ISO staðli 16890, ePM25 70%. Fyrir utan 9 útsogsstæður sem draga út loft frá eldshúsum og baðherbergjum.

    Rakastig í Hörpu er almennt lágt og er m.a. haldið í 36% hlutfallslegum loftraka í Eldborg. Lágt rakastig, ör loftskipti og góð síun nánast útilokar dropasmit um lengri veg.