Skálmöld í Eldborg

Skálmöld – Börn Loka 10 ára

BÖRN LOKA – 10 ÁRA AFMÆLISTÓNLEIKAR

Skálmöld fagnar því að nú eru liðin 10 ár frá því að önnur plata sveitarinnar, BÖRN LOKA, kom út. Skálmöld hafði þá þegar slegið í gegn en með þessari útgáfu festi bandið sig í sessi sem einn af hornsteinum íslensks tónlistarlífs 21. aldarinnar. Platan fékk stórkostlega dóma á sínum tíma og stór partur laga hennar hljóma á hverjum einustu tónleikum Skálmaldar.

Til þess að fagna afmælisbarninu blásum við til tónleika í Eldborg, salnum sem Skálmöld hefur í tvígang þanið með Sinfóníuhljómveit Íslands. Á efnisskránni verður öll platan í heild sinni ásamt úrvalin annarra laga, allt flutt af þeim sexmenningum sem mannað hafa Skálmöld frá upphafi. Öllu verður tjaldað til, tónleikarnir í frásagnarstíl, viðhafnarútsetningar með dyggri aðstoð gestaleikara á sviði og hinn stórglæsilegi tónleikasalur nýttur til síns ítrasta.

Það er ekkert sem jafnast á við Skálmöld í Eldborg.