Tónlist, Klassík

Trifonov spilar Beet­hoven – Sinfón­íu­hljóm­sveit Íslands

Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða

Verð

3.900 - 9.900 kr

Næsti viðburður

fimmtudagur 8. september - 19:30

Salur

Eldborg.

Sinfóníuhljómsveit Íslands

Hljómsveitarstjóri
Eva Ollikainen

Einleikari
Daniil Trifonov

Efnisskrá
Ludwig van Beethoven//Egmont, forleikur
Ludwig van Beethoven//Píanókonsert nr. 4
Anna Þorvaldsdóttir//ARCHORA
Jean Sibelius//Sinfónía nr. 7

Daniil Trifonov er einn dáðasti píanóleikari samtímans – „tvímælalaust undraverðasti píanisti okkar tíma,“ skrifar gagnrýnandi stórblaðsins The Times um leik hans. Trifonov skaust upp á stjörnuhimininn þegar hann bar sigur úr býtum í Tsjajkovskíj-keppninni í Moskvu árið 2011, tvítugur að aldri, en síðan hafa honum m.a. hlotnast Grammy-verðlaun auk þess sem tímaritin Gramophone og Musical America hafa útnefnt hann Tónlistarmann ársins. Hann hefur hlóðritað fjölda platna fyrir Deutsche Grammophon og hefur leikið með öllum helstu hljómsveitum heims ásamt því að gegna stöðu staðarlistamanns hjá Fílharmóníusveitum í New York og Berlín. Nú leikur Trifonov með Sinfóníuhljómsveit Íslands í fyrsta sinn, hinn ljóðræna og hrífandi píanókonsert nr. 4 eftir Beethoven.

Tónleikarnir hefjast á hinum kraftmikla Egmont-forleik, þar sem Beethoven túlkar harmræn örlög manns sem fórnar lífi sínu í stríði gegn yfirráðum Spánverja á 16. öld.

Anna Þorvaldsdótir hefur á undanförnum árum skipað sér í fremstu röð tónskálda á heimsvísu og nýtur fádæma hylli fyrir verk sín. Hún hefur m.a. samið fyrir Fílharmóníusveit Berlínar og hlotið fjölda alþjóðlegra viðurkenninga fyrir verk sín. Nýjasta hljómsveitarverk Önnu, ARCHORA, verður frumflutt sumarið 2022 á PROMS-tónlistarhátíð BBC í Royal Albert Hall í Lundúnum, og hljómar því næst á Íslandi við upphaf nýs tónleikaárs. Hljómsveitir víða um heim hafa þegar sett verkið á efnisskrár sínar enda telst nýtt verk eftir Önnu Þorvaldsdóttur heimsviðburður.

Tónleikunum lýkur með hinni magnþrungnu sinfóníu nr. 7 eftir Jean Sibelius. Þetta var síðasta sinfónían sem finnski meistarinn sendi frá sér, aðeins fáeinum árum áður en hann lagði tónsmíðar á hilluna fyrir fullt og allt. Sinfóníuan er sérlega frumleg og hrífandi, og hér er aðalstjórnandi Sinfóníuhljómsveitarinnar, hin finnska Eva Ollikainen, bókstaflega á heimavelli.


Miðaverð er sem hér segir:

A

8.400 kr.

B

6.900 kr.

C

5.500 kr.

D

3.900 kr.

X

9.900 kr.