Vínar­tón­leikar – Sinfón­íu­hljóm­sveit Íslands

Sinfóníuhljómsveit Íslands

Hljómsveitarstjóri
Keri-Lynn Wilson

Einsöngvarar
Jóhann Kristinsson
Álfheiður Erla Guðmundsdóttir

Efnisskrá
Óperettutónlist, valsar og polkar

Hinir sívinsælu Vínartónleikar eru sannkölluð nýársveisla og sú glaðværa tónlist sem þar hljómar hefur tóninn fyrir nýtt ár. Í þetta sinn er það hin kanadíska Keri-Lynn Wilson sem stjórnar tónleikunum. Meðal þess sem hljómar eru valsar og polkar eftur Johann Strauss yngri, m.a. Keisaravalsinn og Dónárvalsinn, auk forleiks að Leðurblökunni.

Tveir af helstu einsöngvurum sinnar kynslóðar koma fram á tónleikunum auk dansara. Jóhann Kristinsson hefur getið sér gott orð sem bæði ljóða- og óperusöngvari og bar meðal annars sigur úr býtum í alþjóðlegu söngkeppninni „Stella Maris“ og hlaut einnig sérstök verðlaun frá Musikverein í Vínarborg, þar sem hann keppti fyrir hönd Ríkisóperunnar í Hamborg. Þá var Álfheiður Erla Guðmundsdóttir valin söngkona ársins á Íslensku tónlistarverðlaununum 2021 og hún hefur komið fram í óperuhúsum víða í Evrópu, þar á meðal í Ríkisóperunni í Berlín. Álfheiður Erla er nú fastráðin við óperuna í Basel í Sviss.

Glaðvær Vínartónlist er fullkominn upptaktur að nýju ári.