Miðasala

Reykjavík Midsummer Music - Passi

19. júní 2013 - 21. júní 2013
Dúmbó og Steini 50 ára söngafmæli

14. september 2013
Dionne Warwick tónleikum seinkað til 10.júlí

10. júlí 2013

Harpa kynnir Reykjavík Midsummer Music 2013 - Anachronism

RMM 2013 - Anachronism
Níu viðburðir á þremur dögum dagana 19.-21. júní í Hörpu. Hátíðin var verðlaunuð sem tónlistarviðburður ársins á Íslensku tónlistarverðlaunum 2012. Listrænn stjórnandi er Víkingur Heiðar Ólafsson. Kynnið ykkur hátíðina nánar hér
http://vimeo.com/66777077#at=0

Harpa hlýtur ein virtustu byggingarlistaverðlaun heims – Mies van der Rohe verðlaunin.

- Mies van der Rohe verðlaunin voru afhent klukkan tólf á hádegi í dag, föstudaginn 7.júní í Mies van der Rohe Pavilion í Barcelona.
- Halldór Guðmundsson, forstjóri Hörpu, fulltrúar frá Henning Larsen Architects, Batteríinu Arkitektum og Studio Ólafs Elíassonar tóku við verðlaununum.
- Verðlaunin eru virtustu byggingarlistaverðlaun sem Íslandi hefur hlotnast.

17. júní haldinn hátíðlegur í Hörpu

Það verður fjölbreytt og skemmtileg dagskrá í Hörpu á lýðveldisdaginn fyrir stóra sem smáa. Meðal þeirra atriða sem verða á boðstólnum eru Samúel J. Samúelsson Big Band, fjöldasöngur á þjóðsöng Íslendinga í Eldborg með Garðari Cortes og Óperukórnum, tónlistarhúsamúsin Maxímús Músíkús gefur blöðrur, Háskóladansinn, teygjustökk á Hörputorgi á kynningarverði og margt, margt fleira. Dagskrána má skoða nánar hér. Dagskrána má skoða nánar hér.

Mies van der Rohe

Harpa hlýtur ein virtustu byggingarlistarverðlaun heims

Nánar

Hátíð hafsins- hátíðardagskrá í Hörpu alla helgina.

Það verður hátíðleg stemmning alla helgina í Hörpu í kringum Hátíð hafsins. Dagskráin höfðar til allrar fjölskyldunnar og aðgangur er ókeypis. Kynnið ykkur dagskrána hér.

Kraftwerk í Hörpu

Hin goðsagnakennda þýska krautrokk/rafsveit Kraftwerk verður með tvenna tónleika í Hörpu í tengslum við Iceland Airwaves hátíðina 3. og 4.nóvember. Miðasala á aukatónleikana hefst í dag en hægt er að kaupa miða á þá án þess að vera með Iceland Airwaves armband.

Leikið með myrkur

Hinn ungi bandaríski strengjakvartett JACK hefur vakið mikla athygli fyrir framsækna efnisskrá sína sem á köflum er svo óhefðbundin að hún er leikin í niðamyrkri. Spennandi verk á dagskrá Listahátíðar í Hörpu á miðvikudagskvöld.

Komdu í heimsókn!

Við bjóðum skoðunarferðir um Hörpu virka daga kl. 15:30 og um helgar kl. 11:00 og 15:30.

Auk þess bjóðum við upp á spennandi sérferðir fyrir hópa.

Nánar

Ef lífið væri söngleikur

Þann 16.júní verður boðið upp á söngleikjadagskrá og ljúffengt kvöldverðarlaðborð á Munnhörpunni þar sem þú getur borðað allt sem þú í þig getur látið. Leikararnir og söngvararnir Bjarni Snæbjörnsson, Margrét Eir, Orri Huginn Ágústsson og Sigríður Eyrún Friðriksdóttir stíga beint af leiksviðinu og flytja ódauðleg lög úr söngleikjum sem áhorfendur hafa grátið yfir og hlegið með. Meira um þetta hér

Slakað á í sýndarveruleika

Gestur á tölvuleikjaráðstefnunni Eve Online Fanfest slakar á meðan hún bíður eftir að fá sér tattú á sérstakri tattústofu sem Reykjavik Ink er búin að setja upp í Hörpu. Yfir 3000 manns sækja ráðstefnuna í Hörpu en lokadagur hennar er á laugardag.

Bang on a Can á Listahátíð- meðal tónskálda eru Laurie Anderson, Mira Calix, Jóhann Jóhannsson og Christian Marclay.

Bang on a Can All Stars kemur fram á Listahátíð í Reykjavík á opnunartónleikum hátíðarinnar 17. maí nk. en tónleikarnir verða haldnir í Eldborgarsal Hörpu.

Sveitin spratt upp úr starfi þriggja tónskálda í New York, þeirra David Lang, Michael Gordon og Julie Wolfe, sem ákváðu að búa þyrfti til öðru vísi vettvang fyrir nútímatónlist, þar sem hrist væri upp í tónleikaforminu og tónlistarmenn úr ólíkum áttum leiddir saman.

Bang on a Can er orðið að mikilvægu afli í tónlistarsenu Bandaríkjanna og starfsemin er fjölþætt en innan vébanda Bang on a Can eru starfrækt sumarnámskeið, tónsköpunarsjóðir, götuhljómsveitir, útgáfufyrirtæki og áfram mætti telja.

Hljómsveitin Bang on a Can All Stars sem kemur fram 17. maí var stofnuð árið 1992 og hefur leikið út um allan heim. Á tónleikunum í Reykjavík verður boðið upp á margmiðlunarverkefnið Field Recording þar sem fjórtán tónskáld voru beðin um að vinna tónverk í kringum upptöku sem þau fyndu en samhliða tónverkinu verður sýnt myndverk. Á meðal tónskálda eru Laurie Anderson, Mira Calix, Jóhann Jóhannsson og Christian Marclay

Upptakturinn: Tónsköpunarverðlaun barna og ungmenna.

Atvinnutónlistarmenn fluttu 13 tónverk eftir börn og unglinga úr reykvískum grunnskólum á opnunartónleikum Barnamenningarhátíðar í Hörpu. Tónverkin voru valin í Upptaktinn af dómnefnd og fullunnin með aðstoð tónskálda.

Thinking Outside the Box... and Inside

Magnað verk sem Magnús Logi Kristinsson sýndi á Sequences í Hörpu.

Opnunartónleikar Listahátíðar í Reykjavík

Bang on a Can All-Stars: Field Recordings

„Ofsafenginn og áleitinn hópur, sem samtvinnar kraft og höggþunga rokksveitar hinni tæru nákvæmni kammersveitar.“
— The New York Times

Nánar

Maxi skemmtir yngstu gestum Sinfóníunnar

Það var fjölmenni á barnastund með Sinfóníunni og Maxímús Músíkús á laugardagsmorgun. Tónlistin og lengd Barnastundarinnar er sérstaklega sniðin að þeim hópi sem er of ungur til að sitja heila tónleika í Litla tónsprotanum og aðgangur er ókeypis.

Litríkt sumar framundan í Hörpu

Í dag, sumardaginn fyrsta, fyrsta degi Hörpumánaðar, viljum við nota tækifærið til að kynna litríka og skemmtilega menningardagskrá sumarsins með góðri aðstoð Sigtryggs Baldurssonar sem syngur fyrir okkur dagskrána.

Horfið á myndbandið á YouTube hér

Barnamenningarhátíð

Barnamenningarhátíð opnaði með pompi og pragt í Hörpu þriðjudaginn 23. apríl. Hátíðin stendur yfir til 28. apríl.

Nánar.

Húsfylli af kátum krökkum

Barnamenningarhátíð opnaði í Hörpu þriðjudaginn 23.apríl með pompi og pragt.

Myndir á Facebook síðu Hörpu.

Íslenska óperan heldur upp á Evrópska óperudaginn

Handhafar Íslensku tónlistarverðlaunanna 2013 syngja í anddyri Hörpu

Óperusöngvararnir Hulda Björk Garðarsdóttir og Gissur Páll Gissurarson, sem fyrr á árinu hlutu Íslensku tónlistarverðlaunin sem söngkona og söngvari ársins í sígildri tónlist, syngja aríur og dúetta í tilefni Evrópska óperudagsins á morgun, laugardag kl.17

Tónleikarnir verða í anddyri Hörpu við veitingastaðinn Munnhörpuna. Þau munu syngja frægar aríur og dúetta, ma. úr La Traviata og La Boheme auk annars efnis.

Aðgangur er ókeypis og allir velkomnir.