Anna Gréta og Sigurður Flosason - Múlinn jazz­klúbbur

Anna Gréta, söngur og píanó
Sigurður Flosason, saxófónn

Á lokatónleikum vordagskrár Jazzklúbbsins Múlans koma feðginin Anna Gréta Sigurðardóttir og Sigurður Flosason fram. Anna Gréta syngur og spilar á píanó og hljómborð en Sigurður spilar á saxófóna og önnur blásturshljóðfæri. Þau munu flytja frumsamda tónlist eftir bæði. Anna Gréta býr og starfar í Svíþjóð þar sem hún hefur hlotið ýmsar viðurkenningar fyrir sína tónlist. Hún er um þessar mundir að senda frá sér sína aðra plötu hjá hinni virtu ACT útgáfu í Þýskalandi. Sigurður telst til eldri og reyndari jazztónlistarmanna þjóðarinnar. Hann hefur gefið út fjölbreytt úrval platna og hlotið ýmsar viðurkenningar. Þetta verða fyrstu dúótónleikar feðginanna hér á landi en þau hafa áður komið fram saman á tónleikum í Svíþjóð.