Valdimar Guðmundsson - Stórtón­leikar í Eld­borg

Valdimar Guðmundsson lítur yfir farinn veg og tekur sína stærstu slagara í bland við önnur uppáhaldslög. Með honum til halds og trausts verður hans helsta samverkafólk í gegnum tíðina: Hljómsveitin Valdimar, LÓN, Sigríður Thorlacius, Rakel og Ómar Guðjóns ásamt hljómsveit og blásurum.

Á tónleikunum gefst áheyrendum færi á að heyra allar helstu perlur söngvarans, bæði lög með hljómsveitinni Valdimar og lög frá sólóferlinum. Stórhljómsveit undir stjórn Ómars Guðjónssonar mun flytja efni frá sólóferlinum í bland við önnur uppáhaldslög Valdimars. Hljómsveitin Valdimar mætir á svæðið og tekur sína stærstu slagara. Valdimar mun einnig koma fram með hljómsveitinni LÓN og flytja brot af því besta sem sveitin hefur uppá að bjóða.

Þetta verður sannkölluð tónlistarveisla þar sem öllu verður til tjaldað og ferli Valdimars gerð góð skil í allri sinni mynd.

Almenn miðasala hefst mánudaginn 28. apríl klukkan 10. Sérstök forsala fyrir þá sem eru á póstlista Valdimars hefst föstudaginn 25. apríl. 

Skráðu þig hér til að tryggja þér bestu sætin! https://mailchi.mp/valdimarmusic/postlisti