Björtuloft eru glæsileg umgjörð fyrir veislur, móttökur, einkasamkvæmi og fundi. Salurinn er á tveimur hæðum með stórbrotnu útsýni yfir borgina. Á neðri hæð er fastur bar og útgengi á svalir með útsýni yfir höfnina.

Björtuloft eru á 6. og 7. hæð og er eini lokaði salurinn í Hörpu með svölum sem hægt er að ganga út á. Svalirnar eru 289 m2 að stærð og með stórkostlegu útsýni yfir höfnina og borgina.