Harpa spilar með

a man is playing a piano while a choir sings in front of a large window .

tónlistarlífi þjóðarinnar og er heimavöllur íslenskrar tónlistar.

Harpa leggur ríka áherslu á menningarlegt hlutverk sitt að efla íslenskt tónlistarlíf og stendur að og tekur þátt í vel völdum verkefnum til að uppfylla það markmið.

Harpa hefur mótað sér dagskrárstefnu sem miðar að því að auka fjölbreytni tónleikahalds, styðja við nýsköpun í tónlist og auðvelda aðgengi ungs tónlistarfólks úr grasrótinni, þvert á tónlistarstefnur, að Hörpu sem tónlistarhúsi allra landsmanna.

Upprásin

Tónleikaröðin Upprásin er liður í því að framfylgja dagskrárstefnu Hörpu um bætt aðgengi grasrótar og ungs fólks í öllum tónlistargreinum og auka við fjölbreytni. Markmiðið er einnig að tónlistaráhugafólk geti gengið að því vísu að heyra fjölbreytta nýja íslenska tónlist, beint úr grasrót tónlistarlífsins, flutta við kjöraðstæður í tónlistarhúsi þjóðarinnar. Upprásin fer fram einu sinni í mánuði á veturna frá september og fram í maí. Opið er fyrir umsóknir á vormánuðum.

a group of people are standing in front of a stage with purple lights .

Sígildir sunnu­dagar

Sígildir sunnudagar er regnhlífarhugtak yfir klassískar tónleikaraðir og staka viðburði í Norðurljósum/Kaldalóni á sunnudögum frá september og fram í miðjan maí ár hvert. Lögð er áhersla á fjölbreytt úrval tónleika með sígildri söng- og hljóðfæratónlist. Skipulag er í höndum tónlistarhópanna sjálfra en Harpa veitir röðinni stuðning með afslætti á salarleigu, kynningu og aðstoð við markaðssetningu. Öllum er frjálst að sækja um og er reynt eftir fremsta megni að koma sem flestum að.

a person is playing a cello in front of a marshall amplifier

Upptakt­urinn

Markmiðið með Upptaktinum er að stuðla að tónsköpun ungs fólks og hvetja börn og ungmenni til að semja eigin tónlist. Upptakturinn er fyrir krakka í 5. - 10. bekk og fer umsóknarferlið fram í byrjun hvers árs. Þeir sem komast áfram taka þátt í tónlistarsmiðju með nemendum skapandi tónlistarmiðlunar við Listaháskóla Íslands, auk þess að vinna að útsetningum undir leiðsögn nemenda Tónsmíðadeildar.

a group of people are standing on a stage in front of a large screen .

Ýlir tónlist­ar­sjóður Hörpu

Ýlir – Tónlistarsjóður Hörpu fyrir ungt fólk hefur það að markmiði að styðja ungt tónlistarfólk og veita því tækifæri til að koma fram í Hörpu. Sjóðurinn styður við verkefni af ólíkum toga og vill þannig ýta undir fjölbreytt tónlistarlíf í húsinu.

a blue and yellow poster of a woman playing a violin

Styrkt­ar­sjóður Samtaka um tónlist­arhús og Ruthar Hermanns

Tilgangur sjóðsins er að stuðla að eflingu íslensks tónlistarlífs með því að veita tónlistarfólki styrki til tónleikahalds í Hörpu. Sérstök áhersla er lögð á að styrkja ungt og framúrskarandi tónlistarfólk.

a woman is holding a violin in a black and white photo .