Norðurljós er hin fullkomna umgjörð utan um viðburði og býður upp á fjölbreytta notkunarmöguleika. Salurinn er útbúinn sérhönnuðum ljósabúnaði í veggjum sem stilla má í ýmsum litbrigðum og búa þannig til þá stemningu sem óskað er eftir.

Sviðið er færanlegt sem gefur margskonar möguleika og hægt að raða sætum og borðum að vild. Svalir í salnum ná allan hringinn og geta verið nýttar í tengslum við viðburði.

Grænalón er baksviðsrými salanna á 2. hæð og þaðan er inngengi í Norðurljós. Búningsherbergi eru af ýmsum stærðum, allt frá tveggja manna herbergjum upp í 10 manna herbergi og mögulega enn stærri rými fyrir stærri hópa.

Tvö búningsherbergi fylgja leigu á Norðurljósum, án endurgjalds, en framboð þeirra ræðst þó af bókunarstöðu hússins og þau þarf að bóka hjá verkefnastjóra eða viðskiptastjóra eftir atvikum. Hægt er að óska eftir fleiri búningsherbergjum gegn gjaldi ef bókunarstaða hússins leyfir.

Tvennar hljóðeinangraðar dyr tengja Norðurljós og Silfurberg þannig að mögulegt er að samnýta salina fyrir stærri viðburði.