Þríund er á þriðju hæð á austurhlið Hörpu við hliðina á Eldborg með stórbrotnu útsýni yfir fjörðinn og nærliggjandi fjöll. Stórir gluggar og hátt til lofts.

Rýmið er þríhyrningslaga og því skemmtilega öðruvísi en almennt gengur og gerist með rými sem þessi. Þríund hentar vel fyrir smærri tilefni, s.s. ráðstefnur, fundi, vinnustofur, móttökur og veislur.

Nafn rýmisins á vísan stað í tónlistarhúsi en þríund er svokallað tónbil. Tónbil er bilið milli tveggja nótna í tónlist eða samspil tveggja tóna.