Lög og ger­vi­greind: lög­fræðin er mætt til leiks

Lög og gervigreind – lögfræðin er mætt til leiks!

Gervigreind er þegar farin að móta samfélagið okkar, rekstur fyrirtækja og lagalegt umhverfi. En hvar liggja mörkin? Hver ber ábyrgð? Hvernig mótum við regluverkið til þess að tryggja jafnvægi á milli nýsköpunar og réttaröryggis?

Þann 19. mars frá kl. 13:00, í Norðurljósasal Hörpu, koma saman leiðandi íslenskir og erlendir sérfræðingar og fjalla um samspil laga og gervigreindar frá ýmsum sjónarhornum. Áherslan verður á lögfræðileg álitaefni sem hafa komið upp, sem og komandi löggjöf og þróun á þessu sviði.

Helstu umfjöllunarefni:

• Gervigreind, gildandi lagaumhverfi og áskoranir
• Evrópuréttur á tímum gervigreindar: "GDPR", the Digital Services Act ( DSA) og "the Al Act" o.fl.
• Áhrif gervigreindar á mannréttindi: friðhelgi einkalífsins, tjáningarfrelsi, bann við mismunun o.fl.
• Gervigreind, siðferði og samkeppnishæfni
  

Ráðstefnan er einstakt tækifæri fyrir lögmenn, lögfræðinga, sérfræðinga í tækni og stefnumótun, sem og alla sem vilja vera í fararbroddi í umræðunni um lög og gervigreind. Á ráðstefnunni gefst einnig góður tími til samtals og tengslamyndunar, bæði á viðburðinum sjálfum og í lok hans.

Dagskrá ráðstefnunnar má finna hér:  https://www.ru.is/vidburdir/log-og-gervigreind-logfraedin-maett-til-leiks


Ráðstefnan stuðlar að upplýstri umræðu um málefni gervigreindar og lögfræði sem nú eru á ákveðnum tímamótum

Mjög takmarkaður sætafjöldi – tryggðu þér sæti strax!