Kaldalón er minnsti salurinn í Hörpu, staðsettur á fyrstu hæð, norðan megin í húsinu. Salurinn hentar vel fyrir allar tegundir tónleika, leiksýningar og listviðburði.

Breyta má litaðri lýsingu í veggjum og hljómburður er stillanlegur. Fyrsta flokks hljóð-, mynd- og ljósabúnaður.

Kaldalón hefur sína eigin baksviðsaðstöðu. Þar eru tvö rúmgóð búningsherbergi með salernum, speglum, skápum og sturtum.

Svæðið Norðurbryggja, framan við Kaldalón, er með útsýni yfir smábátahöfnina og hentar vel fyrir ýmis konar móttökur eða kynningar sem bóka má í tengslum við viðburð í Kaldalóni.