Reykjavík Early Music Festival & Fjöl­skyldu­dag­skrá Hörpu: Kríla­barokk

Reykjavík Early Music Festival í samstarfi við Fjölskyldudagskrá Hörpu kynnir:

Krílabarokk

• Hvar? Norðurljósasal Hörpu
• Hvenær? Kl. 10 & kl. 11
• Lengd? 30 mínútur
• Fyrir hverja? Börn 0-3ja ára & fjölskyldur
• Gestir geta notið tónleikanna óháð móðurmáli
• Aðgangur ókeypis! Skráning opnar 10. apríl kl. 10 á harpa.is

Tónleikar fyrir 0-3 ára! Barokktónlist verður flutt á barnvænan hátt með sérstaka áherslu á yngstu börnin. Svafa Þórhallsdóttir söngkona ásamt Guðbjörgu Hlín Guðmundsdóttur fiðluleikara og Halldóri Bjarka Arnarsyni semballeikara flytja tónlistina á barokkhljóðfæri sem gefa fisléttan og tæran hljóm sem hentar sérstaklega vel fyrir þau allra yngstu. Við munum heyra tónlist eftir tónskáldin Händel, Mozart, Bach, Purcell og Gluck. Einnig verður óvæntur glaðningur úr íslenska þjóðlagaarfinum sem flestir áheyrendur ættu að þekkja og er þeim boðið að syngja með. Tónleikarnir eru gagnvirkir (interactive), þar sem söngvarinn nýtir bæði söngrödd sína, sögur, hreyfingar og leikmuni til skapa rými sem frjóvgar ímyndunaraflið og gerir börnin og hina fullorðnu að þátttakendum í tónlistinni.

Nánari upplýsingar um heimsóknir í Hörpu og aðgengismál má finna á heimasíðu Hörpu.

Við viljum upplýsa gesti um að ljósmyndari/upptökumaður á vegum Hörpu gæti verið viðstaddur viðburðinn. Ef foreldrar eða forráðamenn vilja ekki að myndir/myndbönd af börnum þeirra birtist í umfjöllun um viðburðinn á miðlum Hörpu þá biðjum við ykkur vinsamlegast um að láta starfsfólk eða ljósmyndarann vita á staðnum eða í gegnum netfangið markadsdeild@harpa.is