Í grænni lautu - Sinfón­íu­hljóm­sveit Íslands

Í grænni lautu er samstarfsverkefni Sinfóníuhljómsveitar Íslands, Listasafns Íslands og Grasagarðs Reykjavíkur. Þar eiga þjóðsögur, tónlist, myndlist og náttúran stefnumót. Við förum í árstíðatengt ferðlag þar sem tónlistin vekur allt að vori og listaverkin leika sér að litagleði sumarsins, fjúka með laufum haustsins og falla í djúpan dvala vetrarins.
Ólafur Egill Egilsson er sögumaður á þessum heillandi og lærdómsríku fjölskyldutónleikum og leiðir tónleikagesti í gegnum litróf árs tíðanna þar sem tónlistin og grasafræðin sameinast myndlistinni sem varpað verður upp á meðan tónleikunum stendur.
Þetta eru fjölskyldutónleikar, sniðnir að ungum áheyrendum og er lengd tónleikanna um ein klukkustund án hlés.

Hljómsveitarstjóri
Hjörtur Páll Eggertsson

Sögumaður og kynnir
Ólafur Egill Ólafsson 

Efnisskrá
Antonio Vivaldi Úr árstíðunum
Nikolaj Rimskíj-Korsakov Býflugan
Ingi T. Lárusson Ó, blessuð vertu sumarsól
Miley Cyrus Blóm
Vaughan Williams Geitungarnir, forleikur
Joseph Kosma Haustlauf
Enskt lag Frost er úti fuglinn minn
Íslenskt þjóðlag Krummi svaf í klettagjá