an aerial view of a large auditorium filled with people watching a concert .

Tónleikar á heimsmælikvarða

Í Hörpu er úrvals aðstaða fyrir tónlistarflutning og þar eiga allar tónlistarstefnur sér heimili og athvarf.

Harpa er tónlistarhús allra landsmanna. Áhersla er lögð á faglegan metnað og fjölbreytni þannig að tónlistin í húsinu sé lifandi þverskurður af íslensku tónlistarlífi. Húsið er jafnframt vettvangur íslensks tónlistarfólks og tónsköpunar þeirra, auk framúrskarandi erlends tónlistarfólks og hljómsveita. Í húsinu er hágæða hljómburður sem hentar vel fyrir alla tónlist.

Eldborg

Eldborg er stærsti salur Hörpu og sérhannaður til tónleikahalds. Fyrsta flokks hljóðkerfi, mynd- og ljósakerfi er í Eldborg. Salurinn er á fjórum hæðum og getur tekið allt að 1700 manns í sæti.

Silfurberg

Silfurberg er annar stærsti salurinn í Hörpu og hentar vel fyrir rafmagnaða tónlist. Salurinn er með fyrsta flokks ljósabúnaði og hljóðkerfi.

a large crowd of people are watching a concert in a large auditorium .

Norðurljós

Norðurljós á annarri hæð Hörpu er tilvalinn til tónlistarflutnings, rafmagnaðs sem órafmagnaðs. Salurinn er útbúinn sérhönnuðum ljósabúnaði til að búa til þá stemningu sem óskað er eftir.

a man is standing in front of a group of people on a stage .

Kaldalón

Kaldalón hentar sérstaklega vel fyrir minni tónleika. Salurinn er með hallandi sætum og hægt er að sýna myndbönd á stóru sýningartjaldi. Færanlegt svið.

an empty auditorium with rows of seats and a stage with a band on it .

Hörpuhorn

Hörpuhorn er glæsilegt opið rými, við glerhjúpinn á annarri hæð, með útsýni yfir miðborgina, hafið og fjöllin. Í Hörpuhorni eru margir möguleikar á útfærslu tónleika fyrir allar tónlistarstefnur.