Maxi trítlar um Hörpu | Harpa býður heim

Tónlistarmúsin ástsæla, Maxímús Músíkús, lætur sig að sjálfsögðu ekki vanta á Menningarnótt í Hörpu. Maxi verður á vappi um opin rými Hörpu og heilsar upp á káta krakka frá kl. 16 og þar til dagskránni lýkur með samsöng Hörpugesta kl. 18. 

Maxímús Músíkús á föst heimkynni í Hörpu og á þátt í að skipuleggja skemmtilega viðburði fyrir smáfólk allt árið um kring. Hann er reglulegur gestur á barnatónleikum Sinfóníunnar, og sögustundir og skoðunarferðir með Maxa njóta mikillar vinsælda hjá yngstu gestum Hörpu.

Verkefnið um Maxímús Músíkús opnar börnum heim tónlistarinnar, hljóðfæranna og hljóðfæraleikaranna. Tónlistin sem fylgir Maxímús er sérvalin fyrir yngsta aldurshóp tónelskra barna, sem gjarnan dilla sér með músinni og leita spennt að holunni hans í Hörpu.

Hér
má kynna sér alla dagskrá Hörpu á Menningarnótt 2026.

Viðburðahaldari

Harpa