Camer­arctica - Mozart og Brahms kvin­t­ettar - Sígildir sunnu­dagar

Á tónleikunum kallast á tvö stórbrotin kammerverk: Strengjakvintettinn í g-moll eftir Mozart og klarinettukvintettinn í h-moll eftir Brahms.

Hljóðfæraleikarar Camerarctica:
Ármann Helgason klarinettuleikari
Hildigunnur Halldórsdóttir fiðluleikari
Bryndís Pálsdóttir fiðluleikari
Svava Bernharðsdóttir víóluleikari
Guðrún Þórarinsdóttir víóluleikari
Sigurður Halldórsson sellóleikari

Efnisskrá:
Wolfgang Amadeus Mozart - Allegro í B-dúr KV 516c fyrir klarinettu og strengjakvartett
Wolfgang Amadeus Mozart - Strengjakvintett í g-moll KV 516
-hlé-
Johannes Brahms - Kvintett fyrir klarinettu og strengi í h-moll op. 115

Strengjakvintett nr. 4 í g-moll, KV 516 eftir Mozart er eitt af hans dýpstu og þekktustu kammertónverkum, samið vorið 1787. Verkið einkennist af miklum tilfinningaþunga, trega og angurværð, sem oft er tengt við g-moll tóntegundina hjá Mozart (eins og í 40. sinfóníunni). Ólíkt hefðbundnum strengjakvartett bætir Mozart við annarri víólu, sem gefur verkinu dökka, ríka og þétta áferð á miðsviðinu.

Brahms heillaðist gjörsamlega af ríkulegum og tjáningarríkum tóni klarinettunnar. Innblásinn af leik klarinettuleikarans Richards Muhlfelds hóf Brahms að semja kammerverk fyrir klarinettu og færði heiminum nokkur af sínum dýpstu og fallegustu síðbúnu verkum, þar á meðal klarinettukvintett í h-moll op.115 sem saminn var sumarið 1891. Verkið er málað haustlitum, ljóðrænu og dramatík og tekur á sig yfirbragð sígaunatónlistar í hæga þættinum en kvintettinn þykir vera eitt af meistaraverkum kammerbókmenntanna.