Luka Okros píanó­leik­ari: Schumann, Beet­ho­ven, Rachman­inov og Liszt

„Tilkomumikill vitnisburður um virtúósískan píanóleik“
The Guardian

Georgíski píanóleikarinn Luka Okros heimsækir Ísland og Hörpu enn á ný. Okros, sem búsettur er í Lundúnum, er þekktur fyrir mikið músíkalítet og næman flutning. Á þessum tónleikum flytur hann spennandi efnisskrá sem sett er saman af stórbrotnum tónverkum, þar sem skáldskapurinn rís sem hæst.

Efnisskrá

Schumann: Kinderszenen, op.15
Beethoven: Píanósónata nr. 23 í f-moll ópus 57 ("Appassionata")

hlé

Rachmaninov: Prelúdíur op.23 & op.32
Liszt: Mephisto vals nr. 1, S. 514

Luka Okros hefur unnið til fjölda alþjóðlegra verðlauna fyrir píanóleik sinn og komið fram á tónleikum í 46 löndum. Hann hefur á ferli sínum vakið athygli fyrir ákafa og styrk í tilfinningaþrungnum og næmum flutningi allra helsu verka píanóbókmenntanna.

Auk þess að sinna tónleikahaldi, hefur Luka sent frá sér hljómplötur og var nýverið ráðinn listrænn aðstoðarstjórnandi Bechstein Hall, nýs tónleikastaðar sem þó á sér langa sögu og verður senn opnaður við Wigmore stræti númer 22 í Lundúnum.

Fylgstu með Luka Okros á vefsíðu hans www.lukaokros.com eða á Instagram www.instagram.com/lukaokros