Árs- og sjálfbærniskýrsla Hörpu 2024
Hlutverk Hörpu tónlistar- og ráðstefnuhúss ohf. (Harpa) er að vera vettvangur fyrir tónlistar- og menningarlíf sem og hvers konar ráðstefnur, fundi og samkomur, innlendar sem erlendar. Harpa og dótturfélög (samstæðan) annast eignarhald og rekstur tónlistar- og ráðstefnumiðstöðvarinnar Hörpu við Austurhöfn í Reykjavík, auk tengdrar starfsemi.
Að fjárfesta í sjálfbærri verðmætasköpun
Starfsemi Hörpu var með miklum blóma á síðasta starfsári. Blóma hvað varðar ótrúlega grósku og dagskrá menningarviðburða, aðsókn og heimsóknir, ráðstefnuhald og fundi og síðast en ekki síst var rekstrarniðurstaðan góð. Tvær breytur grundvalla þennan góða árangur. Annars vegar er það skilningur, framsýni og hugrekki stjórnvalda og samfélagsins til að fjárfesta í Hörpu og standa með starfseminni þar. Hitt er svo einstakur hópur starfsfólks og stjórnenda í Hörpu, fólkið sem vinnur að því hörðum höndum alla daga að rækja hlutverk Hörpu og vinna þannig að verðmætasköpun í þágu samfélagsins alls.
Ingibjörg Ösp Stefánsdóttir, stjórnarformaður
Húsið okkar allra
Rekstur samstæðu Hörpu var í góðu jafnvægi á árinu 2024 en flestir tekjuþættir fóru fram úr áætlun á sama tíma og tókst að stýra kostnaði með ábyrgum hætti. Kjarnastarfsemin gekk afar vel og viðburðahaldið fjölbreytt með 1.411 viðburðum sem er aukning frá fyrra ári. Sérstaklega var gróskan mikil í tónleikahaldi - ekki síst á síðari hluta ársins sem skilaði sér í metveltu í miðasölu Hörpu.
Svanhildur Konráðsdóttir, forstjóri
Lykiltölur
Rekstrarhagnaður
300,6 m.kr.
Tekjur af starfseminni
1.859 m.kr.
Heildarfjöldi viðburða
1.411
Ráðstefnutengdir viðburðir
502
Tónleikar og listviðburðir
879
Þar af barna- og fjölskylduviðburðir
263
Þar af viðburðir Sinfóníuhljómsveitar Íslands
116
Þarf af listviðburðir fyrir ferðamenn
157
Fjöldi heimsókna í Hörpu
1,4 milljón
Afgreiddir aðgöngumiðar
228 þúsund
Sjálfbærni
Kolefnisjöfnun ígíldi CO2
90
Endurvinnsluhlutfall
99%
Minnkuð óbein orkunotkun frá 2019
47%
Heitavatnsnotkun minnkað frá árinu 2019
52%
Mannauður
Launamunur kynja
1,2 % kvk
Öryggi á vinnustað
0 slys skráð
Heildareinkunn Fyrirtæki ársins 2024 - af 5 mögulegum
4,31
Starfsandi Fyrirtæki ársins 2024
4,56
Viðhorf almennings til Hörpu
Jákvæðni í garð Hörpu
68%
Ánægja með heimsókn í Hörpu sl. 12 mánuði
88%