Uppskera - lista- og menn­ing­ar­hátíð

Fötlunarfræði í Háskóla Íslands er 20 ára. Þess vegna verður haldin hátíð í Hörpu.

Hátíðin heitir Uppskera.
Uppskera leggur áherslu á list fatlaðs fólks. 

Á Uppskeru sýnir listafólk brot úr leikritum.
Á Uppskeru sýnir listafólk líka brot úr dansverkum.

Boðið verður upp á:
· Táknmáls·túlkun
· Rittúlkun á íslensku
· Sjónlýsingu á íslensku
· Sjónlýsingu á ensku

Í Hörpu er gott aðgengi fyrir hjólastóla.
Lyfta fer á allar hæðir.
Í kjallaranum eru bílastæði fyrir fatlaða.
Á öllum hæðum eru aðgengileg salerni.
Í Eyri er skynvænt rými. 

Upplifunarveisla í sinni litríkustu mynd

Í tilefni 20 ára afmælis fötlunarfræða við HÍ verður boðið til sannkallaðrar veislu í Hörpu þar sem listsköpun fatlaðs fólks verður í forgrunni. Dagskráin verður táknmálstúlkuð, sviðsverkin verða táknmálstúlkuð, rittúlkuð á íslensku og sjónlýst bæði á íslensku og ensku. Gott aðgengi er fyrir hjólastóla í Hörpu, bílastæði fyrir hreyfihamlaða, lyftur, aðgengileg salerni á öllum hæðum og skynvænt rými verður í Eyri.

Nánar um aðgengi í Hörpu

Opnunarhátíð í Eyri
18:30-19:45

Opnun myndlistasýningar, gjörningar og léttar veitingar. Logi Már Einarsson, ráðherra háskóla-, iðnaðar- og nýsköpunar, ávarpar gesti.

Sviðslistahátíð
Silfurberg 19:45-22:00

Sýnd verða brot úr verkunum, Svartir Fuglar, Fúsi, aldur og fyrri störf, Taktu flugið beibí, Eden og Dúettar. Gjörningurinn Er bara svona og tónlistarmyndbandið Hjálpum þeim verða frumflutt.

Gestgjafi: Elva Dögg Gunnarsdóttir einnig þekkt sem Madam Tourette
Listrænn stjórnandi: Margrét M. Norðdahl

Sviðslistahátíðin er hluti af Uppskeru – menningarhátíðar í Reykjavík dagana 8. febrúar til 8. mars 2025.

Nánar um dagskrá á vef Uppskeru

Ekki missa af þessu einstaka tækifæri til að upplifa stórkostleg verk eftir magnað listafólk.

Öll mega koma á hátíðina og það kostar ekki inn.
Það þarf að taka frá miða á harpa.is eða tix.is  (0 krónur)

Uppskera á Facebook

Uppskera á Instagram